القالى وتىرىسقا الەۋمەتتانۋ عىلىمدارىنىڭ دوكتورى ايگۇل سادۋاقاسوۆا, گەرمانيادان كەلگەن شىعىسەۋروپالىق جانە حالىقارالىق زەتتەۋلەر ورتالىعىنىڭ عىلىمي قىزمەتكەرi, دوكتور بەاتە ەشمەنت, «دىندەردى زەرتتەۋ ورتالىقتارى» قاۋىمداستىعىنىڭ ساراپشىسى شەرزود پۋلاتوۆ, «قىرعىزستان-استانا» قىرعىز ەتنومادەني بىرلەستىگىنىڭ توراعاسى شاۆكات يسمايىلوۆ, قازاقستان رەسپۋبليكاسى پرەزيدەنتى جانىنداعى قازاقستان ستراتەگيالىق زەرتتەۋلەر ينستيتۋتى الەۋمەتتىك-ساياسي زەرتتەۋلەر ءبولىمىنىڭ باسشىسى الۋا جولدىبالينا قاتىستى.
باسقوسۋ قازاقستان حالقى اسسامبلەياسىنىڭ ءححVى سەسسياسى اياسىندا ۇيىمداستىرىلدى.جيىن باسىندا ءسوز العان ايگۇل سادۋاقاسوۆا شەتەلدىك عالىمداردىڭ قازاقستان جايلى پىكىرىنە باسا نازار اۋداردى. ونىڭ ايتۋىنشا, شەتەلدىكتەر نەگىزىنەن ەگەمەندىكتىڭ العاشقى جىلدارى مەن قازىرگى كەزدەگى جاعدايدى سالىستىرىپ بارىپ وي قورىتاتىنىن تىلگە تيەك ەتتى.
– شەتەلدىك عالىمدار سۇحباتتارىندا, ماقالالارىندا قازاقستان تۋرالى جىلى لەبىزدەرىن ءجيى ءبىلدىرىپ جاتادى. ولار ەلىمىزدىڭ جەتىستىكتەرىن مەملەكەت باسشىسىنىڭ «قازاقستان – بارiمiزگە ورتاق ءۇي» دەگەن تۇجىرىمداماسىنىڭ ناتيجەسi دەپ تۇسىنەدى. بۇل سىرت كوزدiڭ, سىرتقى ساراپشىلاردىڭ پiكiرi. ال سىرت كوزدەن ايتىلعان مۇنداي وي ەلىمىزدiڭ ساياساتىنا, تۇراقتىلىعىنا بەرiلگەن جاقسى باعا, – دەدi ايگۇل سادۋاقاسوۆا.
گەرمانيادان ارنايى كەلگەن بەاتە ەشمەنت ورتالىق ازيا ەلدەرiنiڭ دەموكراتيالانۋ ءۇردiسi مەن ۇلتتىق ساياساتىن زەرتتەيدى. بۇدان بولەك, قازاقستانداعى بiرەگەيلiكتiڭ قالىپتاسۋىنا, سانى از ەتنوس وكىلدەرىنىڭ مۇددەلەرىنە قاتىستى ماسەلەلەردى زەردەلەيدi.
– قازاقستانداعى ۇلتتىق ساياسات, سونداي-اق ۇلتتار ازشىلىعىنىڭ پروبلەمالارىن زەرتتەگەنىمە جيىرما جىلدان استام ۋاقىت ءوتتى. قازىر مەن قازاقستاننىڭ ەتنوسارالىق قارىم-قاتىناسى ماسەلەسىندەگى ادىستەرى وتە ءتيىمدى دەگەن ويعا كەلدىم. مۇنداعى ەتنوستار اراسىندا «شاڭىراعىمىز ورتاق, ءۇيىمىز ءبىر» دەگەن ۇعىم قالىپتاسقان. مىنە وسى ۇعىمنىڭ ارقاسىندا ىسكە اسىرىلىپ جاتقان ءىس-شارالار تۇراقتىلىقتى قامتاماسىز ەتەدى, – دەدى بەاتە ەشمەنت.
ءىس-شارا بارىسىندا ەلىمىزدەگى تۇراقتىلىق پەن بىرلىكتى نىعايتۋ جانە دامىتۋ جايى تالقىلاندى.
ايان ءابدۋالي,
«ەگەمەن قازاقستان»
